ქართული პროდუქტი - ევროპული სტანდარტები!
„ბიუ ბიუს ხორცპროდუქტების სამყარო“ პირველი ხორცის დამუშავების საწარმოა საქართველოში, რომელსაც საკუთარი წარმოების ნედლეულის ბაზა გააჩნია და აწარმოებს ხორცპროდუქტებს ახალი, ნედლი ქათმის ხორცისგან.
ულტრათანამედროვე ტექნოლოგიებით აღჭურვილი, ახალი საწარმო მაღალი დონის სტანდარტების და ხარისხის მქონე წარმოებაა და გარდაბნის რაიონში, სართიჭალაში მდებარეობს.
საწარმო 2600 კვადრატულ მეტრზეა განთავსებული და დამხმარე შენობებთან ერთად მთლიანობაში 3
ჰექტარამდე მიწის ფართობს მოიცავს.
პროექტი საქართველოს ბანკის, EBRD-ის და სოფლის განვითარების სააგენტოს მიერ 10 მილიონი ლარის თანადაფინანსებით განხორციელდა. საწარმოს ჯამური ღირებულება დაახლოებით 35 მილიონი ლარია.
საწარმოს შენობის დიზაინზე მუშაობდა საპროექტო სფეროს ერთ-ერთი ლიდერი, ავსტრიული კომპანია „Foodfab”-ი.
ხორცპროდუქტების გადამამუშავებელი საწარმო აღჭურვილია უახლესი მოდელის დანადგარ - ხელსაწყოებით, რომელთა უმეტესობა შეძენილია წამყვანი ევროპული კომპანიებისგან, როგორებიცაა: Schröter, GEA, Seydelmann, Rex, Henneken, Alco, Multivac და სხვა.
ხორცპროდუქტების საწარმოს აქვს ყველანაირი რესურსი იმისათვის, რომ მომხმარებელს გამორჩეული გემოვნური თვისებებისა და ჯანსაღი პროდუქციის ფართო ასორტიმენტი შესთავაზოს.
ჩვენი კომპანიის მიზანია, მიუხედავად ფართო მასშტაბების წარმოებისა, ვიზრუნოთ გარემოზე. ამისათვის, კომპანიის სხვადასხვა ობიექტებზე რამდენიმე მნიშვნელოვანი პროექტები განხორციელდა - მათ შორის წარმოების წყალგამწმენდი სადგური.
ჰოლანდიური კომპანიის Nijhuis-ის დაპროექტებით და დანადგარებით „ხორცპროდუქტების სამყაროს“ ტერიოტრიაზე მოეწყო წყალგამწმენდსადგური. სადგურში შედის ხორპროდუქტების სამყაროდან გამომავალი ნამუშევარი წყალი და ხდება ამ წყლის გაწმენდა.
შედეგად, სადგურიდან გამომავალი წყალი, უკვე სრულიად უსაფრთხოა გარემოსთვის. გასუფთავებული წყლის ხარისხის რეგულარული ლაბორატორიული კონტროლი სუფთა გარემოს შენარჩუნების კიდევ ერთი ეტაპია.
